السلام عليكم ورحمة الله وبركاته
مسيتم بألف خير أعضاء آل تعب
الكرام
أطرح لكم قصيدتي هذي متمنين أتنال على أستحسانكم
***********
معاد لك في خاطري أي قيمه
يالي تقول أبعد ترى منت معذور
ومعاد تألمني الجروح القديمه
مدام صرت بحقدك اليوم مجبور
بالأمس في كسبك أشد العزيمه
واليوم حبل الوصل بالكف مبتور
لا تحسب من حاولت أنك تضيمه
يطيح بأفعالك مدمر ومكسور
ولا تحسب انه ذاق طعم الهزيمه
لو جاك يوم وقال تسلم ومشكور
هذي من أوصاف القلوب الرحيمه
اليا عطيت الظلام تعطيك هي نور
أن جيت تأكل من طعام الوضيمه
شكرك تترحم على من راح مقبور
وأن صرت تتمرد وروحك عديمه
بتعيش في عالم خالي ومهجور
بالعقل تميزنا ونعمه عظيمه
يبقى لنا ما راح مسجل ومذكور
لولاه ما نفرق عن حياة البهيمه
اللي بلا علم ترعى اعوام ودهور
الحمد لله وحالنا الله يديمه
واللي حسدنا بحسده بيعش مقهور
من هو تحشم يستحق الحشيمه
مدام فاح من زرعه لناس بعطور
خذها نصيحه وألا حكمه قديمه
ترى الزمن أن صفى بيلف ويدور
مثلك لو خادع بالعلاقه الحميمه
يموت مخدوعه بطعنات مغدور
****
***
**
*
موضوع: خذها نصيحه ولا حكمه قديمه 
الأحد يونيو 19, 2011 5:35 am